Fransanın paytaxtı Parisdə baş verən bıçaqlı insident zamanı üç nəfər yaralanıb.
Oxu.Az xəbər verir ki, bu hadisə ilə bağlı "Agence France-Presse" (AFP) agentliyi Paris şəhər polis prefekturasının açıqlamasına əsasən məlumat dərc edib.
Verilən məlumata əsasən, hücumu həyata keçirən şəxs hüquq-mühafizə orqanları tərəfindən saxlanılıb.
"Le Parisien" nəşrinin əldə etdiyi detallara görə, hadisə Parisin şimal-şərq hissəsində qeydə alınıb. Otuz bir yaşlı kişi üç qadına bıçaqla xəsarət yetirib. Zərərçəkənlərdən biri ağır vəziyyətdə tibb müəssisəsinə yerləşdirilib.
Nəşrin iddiasına görə, saxlanılan şəxs psixi pozğunluqdan əziyyət çəkir.
Qaynar xətt:
(055) 224 12 12
