Tramp evsizlərlə mübarizənin qeyri-adi üsulunu təklif edib

ABŞ Prezidenti Donald Tramp evsizlərlə mübarizənin yeni üsulunu nəzərdən keçirir.

Oxu.Az xəbər verir ki, bu barədə CBS telekanalı məlumat yayıb.

Qeyd olunur ki, Ağ Ev rəhbəri ehtiyacı olanları sosial evlə təmin etmək əvəzinə onları psixi xəstəliklərdən və narkotik vasitələrdən asılılıqdan məcburi müalicəyə göndərmək istəyir.

"Prezident Tramp küçələrdə yaşayanları məcburi şəkildə böyük düşərgələrə köçürməklə, eləcə də onların psixi xəstəliklər və narkotik vasitələrdən asılılıqlarının müalicəsini tələb etməklə küçələri evsizlərdən təmizləmək üçün yeni yanaşma vəd edir", - kanalın saytında bildirilir.

Bu vaxta qədər ABŞ-nin evsizlərlə bağlı rəsmi siyasəti onların sosial evlərlə təmin olunmasına yönəlmişdi. CBS telekanalının məlumatına görə, ölkə rəsmiləri siyasətdə dəyişiklik barədə rəsmi açıqlama verməyiblər, lakin ölkədə evsizlərlə mübarizənin yeni üsullarına açıqdırlar.