Zukerberq: "Facebook" Ağ Evin təzyiqinə məruz qalıb"

"Meta"nın təsisçisi Mark Zukerberq etiraf edib ki, ABŞ Prezidenti Co Bayden administrasiyası korporasiyaya şirkətin sosial şəbəkələrindəki məzmuna senzura tətbiq etmək üçün təzyiq edib. Zukerberq bu barədə ABŞ Nümayəndələr Palatasının Ədliyyə Komitəsinin sədri Cim Cordana məktubunda yazıb və komitə bunu "X" sosial şəbəkəsindəki səhifəsində paylaşıb.

Oxu.Az bu barədə Gazeta.ru-ya istinadən xəbər verir.

"Meta" rəhbərinin sözlərinə görə, 2021-ci ildə Bayden administrasiyasının məmurları korporasiyaya "satira və yumor da daxil olmaqla müəyyən COVID-19-la əlaqəli məzmunu senzura etmək üçün dəfələrlə təzyiq ediblər və bundan imtina etdikdə də böyük narazılıq bildiriblər. Eyni zamanda, Zukerberq əmin edib ki, məzmunu silmək qərarı platformada qalıb.

O, hökumətin təzyiqinin düzgün olmadığını hesab edir və həmçinin korporasiyanın bu məsələdə səmimi olmamasından təəssüflənib. İş adamının sözlərinə görə, o, qəti şəkildə inanır ki, şirkət hansısa administrasiyanın təzyiqinə görə güzəştə getməməlidir. O qeyd edib ki, şirkət gələcəkdə bu qadağaya qarşı mübarizə aparacaq.

Zukerberq: "Facebook" Ağ Evin təzyiqinə məruz qalıb"