Dünya üçüncümüz: Çinli güləşçidən əvəz çıxdığıma sevindim - VİDEO

İrina Netreba (65 kq) Macarıstanın paytaxtı Budapeştdə keçirilən dünya çempionatında medal qazanan ilk qadın güləşçimiz olub. 

Oxu.Az xəbər verir ki, 27 yaşlı güləşçi bürünc medal əldə etdikdən sonra mundialdakı çıxışı haqqında bunları deyib: 

“Sözsüz ki, medal uğrunda görüş çətin keçdi. Amerikalı rəqibimi daha öncədən tanıyırdım. İlk dəfə dünya çempionatında medal qazandım. Bu “bürünc”ü Avropa çempionatında əldə etdiyim gümüş medaldan daha dəyərli sayıram. 

Məni sevindirən məqamlardan biri daha əvvəl uduzduğum çinli güləşçidən əvəz çıxmağım oldu. Şəxsi məşqçimə və yığmanın məşqçilərinə, bütün komandamıza təşəkkür edirəm. Qələbəmi anama həsr edirəm. Onu çox sevirəm. Həmişə o mənə dəstək olur”.

Dünya üçüncümüz: Çinli güləşçidən əvəz çıxdığıma sevindim - VİDEO

www.oxu.az