Rusiyanın "Zenit" komandası ingilis hücumçu Temmi Abrahamın potensial keçidi üzrə İtaliyanın "Roma" klubu ilə danışıqlara başlayıb.
Oxu.Az xəbər verir ki, bu barədə insayder Canluka Di Martsio məlumat paylaşıb.
Sankt-Peterburq təmsilçisi 27 yaşlı forvard üçün italyanlara 20 milyon avro təklif edib.
Abrahamın özünə edilən təklif isə illik maaş beş milyon avro olmaqla, üçillik müqaviləni nəzərdə tutur.
Xatırladaq ki, "Roma"ya məxsus olan futbolçu ötən mövsüm "Milan"ın heyətində çıxış edib.
