"Neftçi" klubunun kapitanı Rza Cəfərov Avropa klublarının diqqətini çəkib.
Oxu.Az "Apasport"a istinadən xəbər verir ki, 21 yaşlı qolkiperlə yaxından maraqlanan klublar əsasən Polşadandır.
Ekstraklassada oynayan komandalar yayda Rza uğrunda mübarizə aparacaq.
Milli komandamızın da üzvü olan Rzanın ölkə xaricinə yollanıb-yollanmayacağı mövsüm başa çatdıqdan sonra dəqiqləşəcək.
Qeyd edək ki, o, 2021-ci ildən "Neftçi"nin əsas komandasında çıxış edir.
