Azərbaycan Hesablama Palatası maliyyə nöqsanları və büdcə qanunsuzluqları aşkarladığı rayon icra hakimiyyətlərinin adını açıqlayıb.
Oxu.Az xəbər verir ki, Milli Məclisdən APA-ya verilən məlumata görə, bu barədə Hesablama Palatasının 2016-cı il üzrə fəaliyyəti barədə illik hesabatda bildirilib.
Bunlar Qaradağ, Sabunçu, Abşeron, Salyan, Şirvan, Zaqatala, Goranboy, Ağcabədi, Hacıqabul, Masallı rayon icra hakimiyyətlərində mənzil-kommunal təsərrüfatları, Biləsuvar, Cəlilabad, Tovuz, Siyəzən, Quba, Oğuz rayon icra hakimiyyətlərində isə investisiya üzrə sahələrdir.
Mənzil-kommunal təsərrüfatı üzrə nöqsanlar aşkarlanan rayonlardan Qaradağ Rayon İcra Hakimiyyətində 16 hal, Sabunçu Rayon İcra Hakimiyyətində 11 hal, Abşeron Rayon İcra Hakimiyyətində 19 hal, Salyan Rayon İcra Hakimiyyətində 13 hal, Şirvan Şəhər İcra Hakimiyyətində 15 hal, Zaqatala Rayon İcra Hakimiyyətində 14 hal, Goranboy Rayon İcra Hakimiyyətində 18, Ağcabədi Rayon İcra Hakimiyyətində 15 hal, Hacıqabul Rayon İcra Hakimiyyətində 17 hal, Masallı Rayon İcra Hakimiyyətində isə 15 hal qeydə alınıb.
İnvestisiya üzrə Biləsuvar Rayon İcra Hakimiyyətində 8 hal, Cəlilabad Rayon İcra Hakimiyyətində 6 hal, Tovuz Rayon İcra Hakimiyyətində 5 hal, Siyəzən Rayon İcra Hakimiyyətində 6 hal, Quba Rayon İcra Hakimiyyətində 4 hal və Oğuz Rayon İcra Hakimiyyətində isə 5 hal üzrə nöqsan aşkarlanıb.
Palata tərəfindən görülən tədbirlərdən sonra maliyyə pozuntularından Qaradağ Rayon İcra Hakimiyyətindən 50 min 529,8 manat (1 nəfər vəzifədən azad olunub, 3 nəfər şiddətli töhmət alıb), Sabunçu Rayon İcra Hakimiyyətində 35 min 196 manat (9 nəfərə xəbərdarlıq edilib), Abşeron Rayon İcra Hakimiyyətindən 297 min 191,5 manat (1 nəfər vəzifədən azad olunub, 11 nəfər şiddətli töhmət alıb), Salyan Rayon İcra Hakimiyyətindən 161 min 102,9 manat (3 nəfər vəzifədən azad olunub, 2 nəfər xəbərdarlıq alıb), Şirvan Şəhər İcra Hakimiyyətindən 70 min 749,5 manat (5 nəfər şiddətli töhmət, 14 nəfər töhmət alıb), Zaqatala Rayon İcra Hakimiyyətindən 2504 manat (2 nəfər xəbərdarlıq alıb), Goranboy Rayon İcra Hakimiyyətindən 61 min 444,2 manat (1 nəfər töhmət, 2 nəfər xəbərdarlıq alıb), Ağcabədi Rayon İcra Hakimiyyətindən 569 min 68,5 manat (5 nəfər şiddətli töhmət, 3 nəfər xəbərdarlıq alıb), Hacıqabul Rayon İcra Hakimiyyətindən 50 min 103,4 manat (2 nəfər şiddətli töhmət, 4 nəfər töhmət alıb), Masallı Rayon İcra Hakimiyyətindən 79 min 750,6 manat (1 nəfər vəzifədən azad edilib, 1 nəfər xəbərdarlıq alıb) ödətdirilib.
İnvestisiya üzrə nöqsanlar aşkarlanan rayonlardan Biləsuvar Rayon İcra Hakimiyyətindən 81 min 675,6 manat (2 nəfər vəzifədən azad edilib, 1 nəfər töhmət alıb), Cəlilabad Rayon İcra Hakimiyyətindən 476 min 697,5 manat (2 nəfər töhmət alıb), Tovuz Rayon İcra Hakimiyyətindən 31 min 956,0 manat (2 nəfər töhmət, 2 nəfər də xəbərdarlıq alıb), Quba Rayon İcra Hakimiyyətindən 9621,8 manat ödətdirilib. Siyəzən və Oğuz rayon icra hakimiyyətlərindən isə heç bir ödətdirmə mümkün olmayıb.
Hesabat Milli Məclisə təqdim olunub və aprelin 14-də müzakirəyə çıxarılacaq.
U.A.
www.oxu.az
