ABŞ-nin yeni seçilmiş prezidenti Donald Tramp səhiyyə və sosial xidmətlər naziri vəzifəsinə kiçik Robert Kennedinin namizədliyini irəli sürmək qərarını açıqlayıb.
Oxu.Az xəbər verir ki, bu barədə siyasətçi özünün "Truth Social" şəbəkəsindəki səhifəsində yazıb.
"Mən məmnunluqla bəyan edirəm ki, Robert F.Kennedi ABŞ-nin səhiyyə və sosial xidmətlər naziri olacaq. Çox uzun müddətdir ki, ABŞ-lilər sənaye qida kompleksindən və ictimai sağlamlıq məsələlərində yalanlara və dezinformasiyaya əl atan əczaçılıq şirkətlərindən əziyyət çəkirlər", - deyə o bildirib.
Tramp əmin edib ki, kiçik Kennedi ABŞ-də xroniki xəstəliklərin epidemiyasına son qoyacaq.
Qeyd edək ki, daha əvvəl Demokratlar Partiyasının üzvü olan kiçik Robert Kennedi son seçkilərdə müstəqil namizəd kimi iştirak edib. Lakin sonradan o, Trampı dəstəkləmək qərarına gəlib və bunu, söz azadlığı və iqtisadi müstəqillik də daxil olmaqla, bir sıra əsas məsələlərdə oxşar mövqelərin olması ilə izah edib.
