Filippinin cənubunda Zamboanqa şəhərindəki orta məktəbdə baş vermiş silahlı hücum nəticəsində həyatını itirənlərin sayı 4-ə çatıb, daha 9 nəfər isə müxtəlif dərəcəli bədən xəsarətləri alıb.
Oxu.Az xəbər verir ki, bu barədə "The Manila Times" nəşri məlumat yayıb.
Milli Təhqiqat Bürosunun regional idarəsinin məlumatına əsasən, silahlı insident zamanı iki mühafizəçi və iki yuxarı sinif şagirdi həlak olub. Ölənlərdən birinin məhz hücumu həyata keçirən şəxs olduğu bildirilir.
Filippinin cənubundakı Zamboanqa şəhərində yeddinci sinif şagirdi məktəbdə silahdan atəş açıb.
Oxu.Az bununla bağlı "Assoсiated Press" nəşrinə istinadən xəbər verir.
yerli hakimiyyət orqanlarının məlumatına görə, məktəbli odlu silahdan iki dəfə atəş açıb. Bildirilib ki, o, insidentin sosial şəbəkədə canlı yayımlanması üçün yaxa kamerasından istifadə edib.
Qeyd olunub ki, məktəbli əvvəlcə müəllimə, daha sonra şagirdə hücum edib. Müəllimin vəziyyəti ilə bağlı hələlik məlumat yoxdur, şagird isə hadisə yerində ölüb. İnsidentdən sonra məktəbli intihar edib.
