Gənc karateçilərimiz Macarıstandan 3 qızıl, 5 bürünc gətiriblər

Yeniyetmə və gənclərdən ibarət milli komandanın üzvləri Macarıstanda 22-ci “Budapeşt Open” beynəlxalq karate turnirini 8 medalla başa vurublar. 

Oxu.Az Azərbaycan Karate Federasiyasına istinadən xəbər verir ki, ənənəvi turnirə 36 ölkədən 1875 karateçi qatılıb. 

Baş məşqçi Anar Allahverdiyevin rəhbərlik etdiyi komandanın üzvlərindən 16-17 yaşlı gənclərdə Hüseyn Məmmədli (61 kq), Ayla Rzazadə (-59 kq), həmçinin 21 yaşadək gənclər arasında Murad Hacızadə (+84 kq) qızıl medal qazanıblar.

Böyüklər arasında da özünü sınayan M.Hacızadədən (+84 kq) başqa 16-18 yaşlı gənclərdən Sultan Hüseynov (-55 kq), Tale Yaqubov (-68 kq), 21 yaşadək gənclərdən isə Hümmət Baxşəliyev (-67 kq) və Fidan Teymurova (-50 kq) bürünc mükafata sahib olublar. 

Ənənəvi “Budapeşt Open” tunririnə 36 ölkədən 1875 karateçi qatılıb.