Azərbaycan Qran-Prisinin gəlirləri artıb - VİDEO

“Formula 1” üzrə 2019-cu il Azərbaycan Qran-Prisini 90 milyon nəfər izləyib.

Oxu.Az xəbər verir ki, Bakı Şəhər Halqası Əməliyyat Şirkətinin Marketinq və Kommunikasiya şöbəsinin rəhbəri Nigar Arpadarai məlumat verib.

Onun sözlərinə görə, bu, ötən mövsümlə müqayisədə 10 faiz çoxdur. Arpadarai deyib ki, dünya üzrə 2019-cu ildə Bakıda keçirilən yarışla bağlı 37 mindən çox xəbər dərc olunub və bu məlumatların media dəyəri 131 milyon dollar təşkil edir.

Qurum rəsmisi 2019-cu il mövsümündə Azərbaycan Qran-Prisində 13 min işçi qüvvəsinin çalışdığını vurğulayıb. Xaricdən 500 marşal Azərbaycan Qran Prisində işləmək üçün müraciət edib. Bunlardan 100-nün müraciəti qəbul edilib.

Sponsorlardan gələn gəlirlər sayəsində bu ilin aprelində keçirilmiş Azərbaycan Qran-Prisinin qazancı 50 faiz artıb.

Qeyd edək ki, ötən il SOCAR Azərbaycan Qran-Prisinin titul sponsoru olub.

Azərbaycan Qran-Prisinin gəlirləri artıb - VİDEO

Səbuhi Musayev