Məşhur reper Dreykin malikanəsi sel sularına qərq oldu

Kanadalı məşhur reper Dreykin Torontodakı möhtəşəm malikanəsi güclü yağışlar nəticəsində sel sularının təsirinə məruz qalıb.

Oxu.Az-ın verdiyi məlumata görə, məşhur ulduz bu barədə özünün "Instagram" hesabında paylaşım edib.

Videoda Dreykin topuğa qədər suyun içində və əlində döşəmə silənlə otaqlarda gəzdiyi görünür.

Qeyd edək ki, Toronto son günlər əlverişsiz hava şəraitinin əsarətindədir. Mütəmadi yağan güclü yağışlar şəhərin bir çox rayonlarında daşqınlara səbəb olub.

Sosial şəbəkələrdə paylaşılan digər görüntülərdə küçələrdə daşqına məruz qalan binalar və yollarda "üzən" avtomobillər əks olunub.

Məşhur reper Dreykin malikanəsi sel sularına qərq oldu