Puqaçova və Qalkinin İsraildəki dəbdəbəli villasından görüntüləri yayıldı - FOTO/VİDEO

Övladları ilə birlikdə İsrailə köçən rusiyalı artistlər Alla Puqaçova və Maksim Qalkinin yeni dəbdəbəli mülklərinin fotoları sosial şəbəkədə paylaşılıb.

Bildirilir ki, ulduz cütlük Maksimin qardaşının yaşadığı Qeysəriyyədə üçmərtəbəli dəbdəbəli villa kirayələyiblər.

Qeyd edilir ki, onlar əvvəllər də İsraildə istirahət edəndə, dörd yataq otağı olan malikanə və qulluqçular üçün ev kirayələyirdilər.

Xatırladaq ki, şoumen Maksim Qalkin və xanımı Rusiyanın Xalq artisti Alla Puqaçova Ukraynadakı müharibəyə qarşı ilk çıxış edənlərdən olublar. Bu səbəbdən onlar Rusiya Federasiyasının ərazisini tərk ediblər. Qalkin yəhudi əsilli olduğu üçün bu ölkənin pasportunu almağı planlaşdırır və həyat yoldaşı ilə birlikdə artıq uşaqları üçün uyğun məktəb axtarışına başlayıb.

Mənbə: Fokus