Dünyanın ən sağlam əhaliyə malik ölkələri açıqlandı

“Bloomberg” agentliyi əhalinin sağlamlıq səviyyəsinə görə dünya ölkələrinin reytinqini hazırlayıb.

Siyahıya ötən illə müqayisədə, beş pillə irəliləmiş İspaniya başçılıq edir. Ardınca 2018-ci ilin lideri İtaliya gəlir.

İlk onluğa İslandiya, Yaponiya, İsveçrə, İsveç, Avstraliya, Sinqapur, Norveç və İsrail kimi ölkələr daxil edilib.

Reytinq cədvəli tərtib olunan zaman Ümumdünya Səhiyyə Təşkilatının, BMT-nin əhali bölməsinin və Ümumdünya Bankının statistik məlumatları təhlil olunub.

Araşdırmada müxtəlif risk və faktorlar, o cümlədən, həyat davamlılığı, sanitar və ekoloji şərait, insanlar üçün yaradılan tibbi şərait, içməli suyun təmizlik səviyyəsi, siqaret çəkən və çəkməyən insanların nisbəti, həmçinin, artıq çəkidən əziyyət çəkən insanların sayı nəzərə alınıb.