Məşhur kanadalı reper Dreyk mərcdə yenidən bəxtini sınasa da, bir daha uğursuzluğa düçar olub. Belə ki, o, Mayk Tayson və videobloqer Ceyk Pol arasındakı döyüşdə əfsanəvi boksçunun qələbəsinə 365 min dollar qoyubmuş.
Oxu.Az-ın verdiyi məlumata görə, Dreyk sosial şəbəkə hesabından bununla bağlı paylaşım da etmişdi.
Lakin xəbər verdiyimiz kimi, səkkiz raund davam edən döyüşdə hakimlərin yekdil qərarı ilə Ceyk qələbə qazanıb (80-72, 79-73, 79-73).
Qeyd edək ki, Dreyk uğursuz proqnozçu kimi tanınır - əksər hallarda onun mərc etdiyi idmançılar və komandalar məğlub olurlar.
Yeri gəlmişkən, bu görüş dünyanın ən bahalı döyüşü olaraq tarixə düşüb. Mayk Tayson və Ceyk Polun hər biri döyüşdən təxminən 20 milyon dollar qazanacaq.
Rəylər