Bakı sakinlərinin və şəhərin qonaqlarının asudə vaxtlarını səmərəli keçirmələri üçün mayın 18-24-də paytaxtda bir çox tamaşalar, konsertlər baş tutacaq.
Oxu.Az içərisində olduğumuz həftənin mədəniyyət tədbirlərinin afişasını təqdim edir.
Azərbaycan Dövlət Akademik Milli Dram Teatrında:
Mayın 18-də saat 19:00-da H. Cavidin "İblis" faciəsinin motivləri əsasında "İblis və..." tamaşası oynanılacaq.
Fəlsəfi-dekonstruktiv metadram janrında olan tamaşanın quruluşçu rejissoru Əməkdar incəsənət xadimi, Dövlət mükafatı laureatı Mehriban Ələkbərzadədir.
Biletlərin qiyməti: 10-25 manat.
Mayın 22-də saat 19:00-da İtaliyanın məşhur komedioqrafı, dramaturqu, ssenaristi, rejissoru, aktyoru Eduardo de Filipponun "Filumena Marturano" tamaşası olacaq.
Biletlərin qiyməti 8-15 manatdır.
Mayın 23-də saat 19:00-da Şıxəli Qurbanovun "Sənsiz" tamaşası təqdim ediləcək.
Tamaşanın quruluşçu rejissoru Nihad Qulamzadədir.
Biletlərin qiyməti 10-20 manatdır.
Mayın 24-də saat 19:00-da Cavid Zeynallının "Şükriyyə" tamaşası oynanılacaq.
Tamaşanın quruluşçu rejissoru Əməkdar incəsənət xadimi Bəhram Osmanovdur.
Biletlərin qiyməti 10-20 manatdır.
Azərbaycan Dövlət Milli Gənc Tamaşaçılar Teatrı:
Mayın 20-də saat 19:00-da "Dəlinin qeydləri" tamaşası nümayiş olunacaq.
Tamaşanın quruluşçu rejissoru Xalq artisti Cənnət Səlimovadır.
Biletlərin qiyməti: 10 manat.
Mayın 22-də saat 19:00-da Tamara Vəliyevanın "Cəza" tamaşası nəzərdə tutulub.
Quruluşçu rejissor Əməkdar incəsənət xadimi, Dövlət mükafatı laureatı Mehriban Ələkbərzadədir.
Biletlərin qiyməti 10 manatdır.
Mayın 23-də saat 20:00-da Maqsud İbrahimbəyovun "Neft bumu hamıya gülümsəyir" tamaşası təqdim olunacaq.
Quruluşçu rejissor "Qızıl maska" mükafatı laureatı Konstantin Soldatovdur.
Biletlərin qiyməti: 12-15 manat.
Martın 28-də saat 19:00-da Cəlil Məmmədquluzadənin "Dəli yığıncağı" tamaşası planlaşdırılıb.
Quruluşçu rejissor Xalq artisti Cənnət Səlimovadır.
Biletlərin qiyməti: 8-15 manat.
Azərbaycan Dövlət Akademik Musiqili Teatrında:
Mayın 18-də saat 19:00-da "Arşın mal alan" ikihissəli operettası təqdim olunacaq.
Tamaşanın quruluşçu rejissoru Elvin Mirzəyevdir.
Biletlərin qiyməti: 8-15 manat.
Mayın 21-də saat 19:00-da böyük fransız yazıçısı Viktor Hüqonun "Paris Notr-Dam kilsəsi" romanının motivləri əsasında hazırlanan "Paris Notr-Dama ithaf" tamaşası oynanılacaq.
Quruluşçu rejissor və librettonun müəllifi Samir Qulamovdur.
Biletlərin qiyməti 10-20 manatdır.
Mayın 22-də saat 19:00-da "Lara Martin's Jazz Club"un ecazkar caz-tamaşasıdır.
Bu caz-tamaşa dünya ədəbiyyatının görkəmli nümayəndəsi Aleksandr Ostrovskinin "Cehizsiz qız" pyesi əsasında hazırlanıb.
Biletlərin qiyməti 35-50 manat.
Mayın 23-də saat 19:00-da yazıçı-dramaturq Sabit Rəhmanın "Əliqulu evlənir" pyesi əsasında Xalq artisti İlham Namiq Kamalın librettosu və quruluşunda hazırlanan "Əliqulu bu gün evlənir" komediyası nümayiş olunacaq.
Tamaşanın quruluşçu dirijoru Əməkdar incəsənət xadimi Fəxrəddin Atayevdir.
Biletlərin qiyməti 8-15 manatdır.
Mayın 24-də saat 19:00-da "Şərəf" və "Şöhrət" ordenli Xalq artisti Afaq Bəşirqızının iştirakı ilə "Zal qızı Zalxa" tamaşası baş tutacaq.
Quruluşçu rejissor Samir Qulamovdur.
Biletlərin qiyməti: 10-20 manat.
Azərbaycan Dövlət Yuğ Teatrında (Kukla Teatrının binasında):
Mayın 21-də saat 19:00-da dramaturq Toyğun Orbayın "21:15 qatarı" tamaşası nümayiş etdiriləcək.
Quruluşçu rejissor Mikayıl Mikayılovdur.
Biletlərin qiyməti: 5-15 manat.
Mayın 23-də saat 19:00-da Anton Pavloviç Çexovun məşhur "Albalı bağı" əsəri əsasında hazırlanan "Birinci Akt" tamaşası olacaq.
Quruluşçu rejissor Vaqif İbrahimoğludur.
Biletlərin qiyməti 5-15 manatdır.
Mayın 24-də saat 19:00-da yapon dramaturq Koki Mitaninin əsəri əsasında hazırlanan "Master-klas" tamaşası oynanılacaq.
Quruluşçu rejissor Gümrah Ömərdir.
Biletlərin qiyməti: 5-15 manat.
Heydər Əliyev Sarayı:
Mayın 19-da saat 19-da Məhəmməd Füzulinin "Leyli və Məcnun" poemasının motivləri əsasında "Leyli və Məcnun" 2 pərdəli, 6 şəkilli opera təqdim ediləcək.
Biletlərin qiyməti 15-45 manat.
Mayın 19-da saat 20-də bir çox sevilən mahnıların müəllifi, tanınmış musiqiçi və prodüser Asif Kərimovun 60 illiyinə həsr olunmuş yubiley konserti təşkil olunacaq.
Biletlərin qiyməti 35-160 manat.
